Gudoomiye ku xigeenka Midowga Nabadda iyo dimoqoraadiyadda Somalia Proff Mohamud Nur Adow ayaa olole balaaran ka bilaabay qaarada Yurub,wuxuuna safarkiisii ugu horeeyay ku marayaa dalka Holland oo kulama isdaba jooga uu kula leeyahay Jaaliyadda Somalida.

Proff Mohamud Nur Adow oo aan kula kulanay Caasimadda Holland ee Amsterdam ayaa socdaalkiisa ku sheegay mid uu qorshe siyaasadeedkooda ugu bandhigaa Jaaliyadaha dibadda ku nool si ay iskaashi mira dhala ula yeeshaan.

" Jaaliyadaha waxay ka mid yihiin awoodaha waaweyn ee looga baahan yahay dhiirigelinta nabadda iyo dimoqoraadiyada waana sababta aan safarkeyga uga bilaabay Holland si aan qorshaha Midowgeena u fahamsiino dhamaan Somalida dal iyo dibad"ayuu yiri Gudoomiye ku xigeenka Midowga Nabadda iyo dimoqoraadiyadda Somalia.

Si kastaba ha ahaatee ololaha Xisbiga cusub iyo ku dhawaaqistiisa waxay noqotay mid ku beegan xilli la filayo in socdaal uu Madaxweyne Shariif ku yimaado dalka Ingiriiska