:: XUSUUS.COM | Xusuus aan la ilaawi karin

AMIN AMIR Halyeey aan ka niyad jabin in Somaliya nabad noqon doonto Daawo wareysi muuqaal ah.

This article was Published at: 10-12-2009 and has been viewed 3482 times


Back to home	Print this Page	Send to a Friend	Bottom of the Page

Farshaxanka caanka ah ee Amiin Caamir Maxamed oo wareysi xiiso badan oo dhacyo badan taabanaya siinayey TV laga leeyahay dalka Mareykanka oo lagu magacaabo SOMTV, xili uu halkaasi socdaal ku marayey ayaa waxa uu kaga hadlay arimo la xiriira Farshaxanimadiisa, dhinaca sawirada, Saadaasha somalia ee Mustaqbalka dhaw iyo falcelinta shacabka kaga yimaado sawirada uu soo saaro iyo arimo kale oo badan.

Amiin Caamir oo wax laga weydiyey bilowga sameynta sawir gacmeedkiisa iyo horumarka xiligan uu ku talaabsaday ayaa waxa uu sharaxaad ka bixiyey in fankiisa uu yahay mid illaahey hibo u siiyey uusana ku imaan waxbarasho dugsiyadeed oo ku saabsan ARTS-ka hase yeeshee markii la arakay awoodiisa iyo qaabsameyska sawirada ay noqotay in si lama filaan ah uga soo muuqdo Masraxyada riwaayadahii somaliya laga dhigi illaa heer markii dambe madaxweynihii hore Maxamed Siyaad lagu aaminay in sawiradiisa uu sameeyo Amiin Caamir kaliya ka dib markii laga soo xushay farshaxaniista badan o oka tirsanaa qeybta borobagaandada oo qaarkood shahaado u heystay dhinaca ARTS-ka.

Farshaxanka Amiin Camir Maxamed waxa uu si qoto dheer ugu sheekeeyey dhacdooyin badan oo xiiso oo uu la kulmay ka dib burburkii dalka intii uusan ka soo bixin, iyo markii uu soo gaaray jabuuti oo uu mudo dhowr sano ah deganaa illaa markii dambe uu shirweynihii Carte iyo Shirar ka horeeyey uu deeqo lacageed oo farshaxankiisa ka imaanyey uu ku bixyey ama ugu kaalmeeyey Shirkaasi, xiligaas oo uu amiin wax ku sawirayey gacantiisa.

Amiin Caamir, waxa uu sheegay horumarka dhinaca farshaxankiisa in ay bilaatay ka dib markii uu soo gaaray Wadanka Kanada oo uu iminka ku nool yahay, hase yeeshee waxa uu faahfaahin ka bixiyey sababa ku ximbaaray in farshaxankiisa uu xooga ku saaro arimaha Wadanka Soomaaliya gaar ahaan dhinaca Siyaasada, waxa uuna yiri” Aniga waligeey waxaan jeclaa in aan muujiyo sawirada ka hadlayo dhinaca dhaqankeena iyo quruxda dalkeena, hase yeeshee maadaama dadkii ay siyaasi wada noqdeen waxaan ogaaday in aysan jirin cid maanta rabto sawiro dhaqan iyo wax la mid ah ka hadlayo laakiin dadku ay xiisaneynayaan kuwa siyaasada sidaasi ayaan ku doortay” ayuu yiri amiin caamir.

Amiin Caamir oo ka sii hadlyey dhibaatooyinka uu kala kulmo sawiradaasi uu soo saaro ayaa waxa uu sheegay in waqtigii bilowga ah ee uu adeegsanayey aalada internetka uu dhibaato xoog leh kala kulmay sida, aflagaadeyn, hanjabaadyo, iyo in ay ku kala dhintaan rag badan oo saaxibo ay ahaayeen kuwaas oo qabiil laabtooda ka guuxayey iyaga oo dhibsanayo sawirada dhab ka hadalka ah, inkastoo xiligan uu sheegay shalay dadkii hanjabaadaha iyo aflagaadada waday iyo kuwii aan kala dhimayna ay ogaadeen in ay iga qaldanaayeen maanta ay fahmeen waxa uu kartuun yahay.

Wareysigan oo xiiso gaar ah lahaa ayaa waxaa muuqaalka laga arkayey sawirada qaar in uu sharaxaad ka bixinayey . laakiin Amiin caamir wax auu inta badan ku celcelinayey in mar waliba uu ka soo horjeedo dulmiga iyo dhibaatada shacabka heysato adeegsiga qabyaalada iyo in si macno daro ah dadka la isaga laayo taasi oo uu sheegay in ay tahay tan kaliya ee kaga dhiidhiyo.

Amiin Caamir oo wax laga weydiiyey sababta ku kaliftay in har iyo habeen uu il gaar ah ku hayo arimaha Soomaaliya ayaa waxa uu sheegay in dalkiisa iyo dadkiisa uu jecel yahay, uuna aad uga damqanayo dhibaatada ka jirto, sidaasi   uu doonayo in uu soo bandhigo xaqiida dalka ka jirto, iyada oo aan cidina laga ganbaneyn,”aniga ajnabiga lacag badan ayey ii ogol yihiin in aan sawiro u sameeyo laakiin waxa aan waqtiga badan u siiyo arimaha somalia waa wadaniyad iyo daljaceyl ayuu yiri amiin aamir.

Amiin Caamir waxa uu saadalin fiican ka bixiyey xaalada dalka Soomaaliya isaga oo sheegay in   xaalada iminka taagan ee arimaha diinta uu u arkayo derbigii ugu dambeeyey xalkana uu soo dhaw yaahy, waxa dhinaca kale rajo ka muujiyey in uu dalka ku noqon doono mustaqbalka dhaw hadii nabad la helo dadkii afkaarta qaldan ka qabayna ay wax ka fahmayaan.

HADABA WAREYSIGAN XIISAHA LEH HALKAN KA DAAWO BAY SOM TV

Amiin Caamir oo ah Farshaxaniiste caan ah, ayaa ku sifoobay, u duude dadka dulman, u hiilihaha nabadda, taageeraha dadka samaha iyo wanaaga ka shaqeeyo, soo bandhigaha xaqiiqda dalka ka jirta, ma gabade geesi oo aan ka baqin runta, wadani xalaal ah oo dalkiisa iyo dadkiisa jecel.

Ugu dambeyntii    waxaan leeyahay Amiinoow waxaad tahay Taariikh nool, halgamaa aan la ilaawi doonin, insha allah waad arki doontaa dalkii aad jecleyd gaar ahaan Muqdisho iyo dadkii aad jecleydba waqti dhaw, illaaheyna raxmadiisa kama quusan doono insha allah.